මෙම Volley Ball ක්‍රීඩාව වියදම් රහිත වූවකි. එසේම වැඩි කාලයක් වැය නොවන හා වැඩි ඉඩක් ද අවශ්‍ය නොවන ක්‍රීඩාවකි. ආසියාවේ පාසල් අතර මෙම ක්‍රීඩාව ව්‍යාප්ත වීමට මෙය ප්‍රධාන හේතුවකි. පසුව මෙය 1913 දී පෙරදිග ක්‍රීඩා උළෙලට ඇතුලු විය. Volley Ball ක්‍රීඩාව ඇමෙරිකානු හමුදා මඟින් යුරෝපය පුරා පැතිරිණි. එමෙන්ම 1947 දී ජාත්‍යන්තර වොලිබෝල් සංගමය බිහි විය. මෙම ක්‍රීඩාවේ ජනප්‍රියත්වය කොතෙක්ද යතුලින්ම රටවල් සීයක් මෙම සාමාජිකත්වය ලබා ගත්හ. පළමුව ප්‍රථම ලෝක ශූරතාවය පැවැත්වූයේ 1949 දීය. 1964 වන විට Volley Ball ක්‍රීඩාව Olympic ක්‍රීඩා උළෙලට ඇතුලු කිරීමට ජාත්‍යන්තර වොලිබෝල් සංගමයට හැකි විය.
අද වන විට ජපානය, රුසියාව, චෙකොස්ලෝවේකියාව හා ජර්මනිය වැනි රටවල් Volley Ball ක්‍රීඩාව සඳහා නම් දරා සිටිති. Volley Ball ක්‍රීඩාව කෙතරම් ජනප්‍රිය වීද යත් අද වන විට කාන්තා Volley Ball තරඟ ද ඉතා උත්කර්ෂවත් අන්දමින් පැවැත්වේ.
